Jagad Wredha

   Jagad Wredha

Dening : Kharisma Ajeng Pratiwi

 

Sawise kebak pageblug nggebug

Kita tansah bika soca

Nora mung saderma janma kang wredha

Jagad uga bisa wredha

Nalika janma tan mikirake

Sanes jagad ingkang sakit

Sabenere janma ingkang sakit

Dhuh janma…

Senenge gawe cilaka

Nepsumu ngluwihi sukurmu

 

Delengen tengen kiwa

Ajur kabeh tanpa rupa

Segara kalen lan wana

Rusuh lan rata

Jagad ora kuwat

Dikuras tanpa diruwat

Janma bener-bener kalap

Delenga…

Jagad wus megap-megap

Hawane dadi pengap

Apa padha lali…

Kabeh kuwi titipane Gusti

Tanpa rasa sukur kabeh dienteki

Dhuh Gusti…

Janma bener-bener lara

Jagad wus ora kuwat

Nanggung sakabehaning akibat

Nora namung janma sing bisa nutup yuswa

Jagad uga bisa nutup yuswa

Nanging kabeh kuwi ngenteni kehendake Gusti

Mugiya janma enggal krasa

Yen jagad sampun wredha