Japa Tundhung Ketiga

Japa Tundhung Ketiga

Dening: Safandi Mardinata

Thong-thong mukiji...

 

Kiji-kiji kiro...

 

Kiro-kiro kilu..

 

Kilu-kilu kipat...

 

Ji ro lu pat

 

Bocah-bocah banjur padha mlumpat

 

Saka lincak menyang jogan

 

Gagenan nganggo sandhal

 

Kang pating blethat

 

Nututi wiramaning udan

 

Hoooeeeee....

 

Udana sing deres

 

Takopahi sega lemes

 

Sapa sing kok opahi?

 

Sing ngudaniiiiii

 

Hahahahaha...

 

Sumringah bocah banjur padha bubrah

 

That-thit nyamber

 

Ning ati njalari geter

 

Wooeeii...gandrikkk!!! aku iki putune Ki Ageng Sela !

 

Bocah-bocah banjur lumayu Kesingsal-singsal suwale kang padha udhar

Angin mung gumuyu, banjur nerusake laku

 

Ning nong ning gung pak bayan

 

Sega jagung ora doyan

 

Iwak pitik enakeee

 

Ketiban dhingklik adhuh mbokeee..

 

Glegherrrrrrr.....

 

Grimis banjur mesem

 

Banget manis.

 

Bojonegoro, mapag tekane rendheng, 17 Desember 2015