Wayah Surup
Dening: Sri Wijayati
Dalan alus ing wayah surup
Akeh kendharaan pating sliwer banter-banter
Ing langit sisih kulon katon cahya abang sumamburat Sang bagaskara wus angslup ing wates cakrawala
Sumilir angin tumiyup
Ngobahake pang-pang lan gegodhongan
Katon kelap-kelipe lampu ing padesan
Gunung Merapi lan Merbabu katon gagah biru
Sinawang endah saka kadohan
Manuk-manuk padha mabur mulih menyang susuhe Wis katon polahe wong siji-sijine
Katon saka watake nalika numpak montore
Dalan kuwi kanggo sapa wae wong kang padha liwat
Kudu kebak ing pangati-ati
Ndedonga ora kena lali
Nyenyuwun marang Gusti Illahi Robbi
Dimen slamet jiwa raga bisa tentrem ing ati
Bantul, 15 Juni 2019
Tidak ada komentar:
Posting Komentar