ES SEMAN

ES SEMAN

(Saka wanodya kanggo para jejaka)

 

 

Wayah ngene iki cocok kanggo ngombe

Apa maneh yen ngombe es

Es iki pancen sueger

Tur cespleng

Es seman arane

Anggawe pra jejaka

Kedhep tesmak

Ee lah dalah...

Ombenan iki gawe sukarsa

Tumunjem manah

Awan dadi lelamunan

Yen bengi kegawa ngimpi

Owalah Dewa Bathara Jagad..

Angindhit es eman kuwi

Pancen abot

Abot banget

Apa maneh yen wus kebacut

Dhuh Gusti..

Baya apa kang kelakon iki

Mas...

Pamintaku..

Aja kakehan anggonmu ngunjuk

Aku samar, Mas

Yen ora ana tamba kanggo lelaranmu

Aku ora isa leladi mring sliramu

Sepurane ya Mas